«Минем гимным, минем флагым, минем Россиям» чарасына хисап.

2018 елның 8 июнендә МБУ «Азнакай төбәкне өйрәнү музее» хезмәткәрләре Россия көненә багышланган «Минем гимным, минем флагым, минем Россиям» исемле чара булып узды. Ул Кара Елга буендагы скверда Азнакайдагы 2 нче мәктәбенең лагерь балалары өчен оештырылды. Биредә алар дәүләт символы булган флаг турында күп мәгълүмәт алдылар, аның килеп чыгуы турында таныштылар. Шулай ук, илнең төрле этапларында флаглар нинди булган, шул хакта белделэр. Өч төсне (ак, зәңгәр, кызыл) күрсәтүче дәүләт символының аңлатмасын төшенделәр. Соңыннан балаларга үз мәктәпләренең флагын уйлап чыгарырга кушылды. Асфальта төсле бурлар белән   фантазиялэрен эшкә җигеп, флаг рәсемнәре ясадылар

Posted in мероприятия | Comments Off on «Минем гимным, минем флагым, минем Россиям» чарасына хисап.

8 июнь көнне “Изгелек” паркында район һәм шәһәр  мәдәният сарае хезмәткәрләре  мөмкинлекләре чикле, авыр гаиләләрдә тәрбияләнгән  балалар  өчен «Изгелек илендә могҗизалар» дип исемләнгән театрәлләштерелгән тамаша күрсәтте. Бәйрәмдә  мультфильм геройлары балалар белән җырлап, уйнап, биеп күңел ачтылар.  Әлеге бәйрәмнең исеме “Изгелек илендә могҗизалар” дип аталуы юкка гына түгел, кичә барышында  балаларның хыяллары, теләкләре тормышка ашты. Барлык балаларга да бүләкләр тапшырылды, баллы туңдырмалар таратылды.  Бәйрәмдә катнашкан үзенчәлекле  балаларга бары тик изгелек, яхшылык, шатлык-куанычлар гына бүләк итәсе, мизгелгә генә булса да аларның борчуларын, авыртынуларын оныттырып, матур хыяллар доньясына  күмәсе килә. Балалар өчен иң куанычлысы сабын куыклару кабарту булды.

Чараны Азнакай муниципаль районы башлыгы Шайдуллин М.З. ачып җибәрде. Мөмкинлекләре чикле балаларга “Мадагаскар” уен клубына сертификатлар тапшырды. Балаларга изге теләкләрен җиткерде.

Соңыннан балалар бәйрәмнең геройлары белән истәлеккә фото төштеләр.

Posted in мероприятия | Comments Off on

“Ихлас” татар-башкорт фольклор ансамбленең иҗат-отчет концерты

8 нче июнь көнне Гаилә Паркында “Ихлас” татар-башкорт фольклор ансамбленең “Җыен” исемендәге иҗат-отчет концерты узды. Бәйрәм “Ихлас” ансамбеле җитәкчесе Фәнзирә Калимуллина инициативасы белән оештырылды. Әлеге ансамбльга сәламәтлек- мөмкинлекләре чикле булган 12 кеше йөри. Шуңада карамастан алар һәрберсе аерым шәхес, сәнгать ягыннан сәләтле. “Ихлас” ансамбеленә йөрәкләре белән яшь, дәртле, сәнгать, җыр һәм биюгә гашыйклар йөри.

Коллективның активлыгын,  алдынгылыгын бәйгеләрдә яуланган мактау грамоталары  исбат итә.

Агымдагы елның март аенда “Ихлас”,  X “Тере чишмә” Халыкара конкурс-фестивалендә (Казан ш.), VII нче “Әгәр дә…” сәхнә осталыгы буенча Ачык Бөтенроссия фестиваль – конкурсында (Яр – Чаллы) катнашып I – дәрәҗә лауреат исеменә лаек булды.

Тантаналы  вакыйга үзенә бик күп кунаклар җыйды. Бәйрәм шатлыгын уртаклашып хөрмәтле һәм мөхтәрәм кунаклар,  Азнакай муниципаль районы башлыгы М. З. Шәйдуллин, Башкарма комитеты  җитәкчесенең социаль мәсьәләләр буенча урынбасары Д. Р. Гыйләҗев, Мәдәният идарәсе җитәкчесе Г.С. Хафизова, Түбән Кама муниципаль районының “Халыклар Дуслыгы Йорты” җитәкчесе В.Ф. Хафизов изге теләкләрен җиткерде.

Фольклор бәйрәмендә бик күп  танылган коллективлар катнашты –

«Хәтирә» ветераннар ансамбеле,  «Ләззәт» бию коллективы, «Сударушка» халык ансамбеле, Түбән Кама шәһәренең “Сал Урал” ансамбеле һ.б.

Бәйрәмгә килгән кунаклар канәгать калды, алар үзләренең изге теләкләрен, киләчәктә дә иҗади уңышлар теләп, оештыручыларга рәхмәт сүзләрен җиткерделәр.

Posted in мероприятия | Comments Off on “Ихлас” татар-башкорт фольклор ансамбленең иҗат-отчет концерты

«Рус теле – безнең горурлык»

2018 елның 6 июнендә МБУ «Азнакай төбәкне өйрәнү музеенда» рус теле көненә багышлап «Рус теле – безнең горурлык» исемле викторина булып узды. Бу көнне Азнакайның мәктәп яны лагерьларына йөрүче балалар килде.

Балаларга рус теленең бөеклеге, байлыгы турында сөйләделәр, төрле хаталар һәм бозулардан, фәкыйрьлеккә тошүдән, жаргоннар белән пычратудан сакларга кирәклеге турында төшендерделәр. Кешенең  дөрес сөйләме аның үсешен күрсәтә.

 Соңыннан алар рус алфавитын белүдә мини – тест эшләделэр, рус әкиятләрен, геройларын ни дәрәжәдә белү буенча  уеннарда катнаштылар. «Төрле якка сибелгән хәрефләр»дән дөрес итеп сүзләр төзеделәр.

Posted in мероприятия | Comments Off on «Рус теле – безнең горурлык»