Шушы җирлегебездә яшәп, гомерләрен аның үсешендә фидакарь хезмәт куеп үткәргән өлкәннәребезне җыйган район-шәһәр Мәдәният йортында бусагадан узган берен гармун көенә кушылып биетә тордылар. Район башлыгының үзе, аның кул астындагы башка җитәкчеләр белән апа-абыйларыбыз бөтерчектәй бөтерелеп, гүя унсигез яшьлекләренә кайтып килде. Район башлыгы Марсель Шәйдуллин, районның ветераннар советы рәисе Миргасим Кәримов өлкәннәргә үзенең матур теләкләрен җиткерделәр. Үзешчәннәребез ветераннарга җыр-биюләрен бүләк иттеләр.

Posted in мероприятия | Comments Off on

1 нче октябрь көнне – Халыкара өлкәннәр көне билгеләнеп үтелә. Бу бәйрәм Өлкән яшьтәге барлык кешеләргә үзләренең намуслы хезмәтләре, аларның зур тормыш тәҗрибәсе, игелекләре, зирәклеге өчен тирән хөрмәт белдерү һәм җылы рәхмәт әйтү мөмкинлеге бирә.

«Мәдәни үзәк» иҗат төркеме Өлкәннәр көненә багышланган бәйрәм концерты уздырдылар. Кунаклар артистлар белән бергә җырладылар һәм биеделәр. Бәйрәм ахырында чәй эчү оештырылган иде.

Җыр – музыка белән тулы бәйрәм күңелләргә хуш килде һәм искиткеч ял бүләк итте. Барыгызга да иң изге теләкләр телисе килә. Без чираттагы тапкыр «өлкән кешеләр – йөрәкләре белән  яшь» булуларына инандык

Posted in мероприятия | Comments Off on

29 сентябрь көнне Питрәч районында Россия күләм «Скорлупино-2018» фестивалендә Урманай, Бирючевка, Микулина, Беренче Май авыл мәдәният йорты хезмәткәрләре катнашты. Бәйрәм кунакларын фестиваль символлары «Ско» исемле чебеш һәм аның дус кызы «Цыпа», зур гәүдәле кош курчаклар, «Ливреяле әтәчләр» һәм иректә йөрүче заманча киенгән  «тәвә кошлары» каршы алды.

Бәйрәм фестиваль уеннарында катнашучы яшьләр командаларының  бик матур парады һәм  мисс  «Скорлупино» бәйгесе белән башланды, әлеге ярышта безнең команда җиңү яулады.

Фестивальдә гадәти булмаган  уеннар: йомырка ыргыту буенча чемпионат, йомырка узышлары, махсус йомырка конкурслары, аттракционнар һәм башка күңел ачу программалары уздырылды.

Posted in мероприятия | Comments Off on

27 нче сентябрь көнне Мәдәни үзәк иҗат коллективы Мәдәни үзәк мәйданында күңел ачу программасы үткәрелделәр. “Көз моңсу өчен вакыт түгел” дип  аталган уен программасы оештырылды. Болытлы һава торышына да карамастан, балалар бик теләп уеннарда һәм конкурсларда катнаштылар, сорауларга һәм табышмакларга җаваплар бирделәр. Балалар бу көзге көнне бик яхшы кәеф белән калдылар.

Posted in мероприятия | Comments Off on