Районыбызда урам бәйрәмнәре уздыру матур традициягә әйләнде. Чираттагысы 9 август көнне, Шайхутдин 2,6 урамында узды. Чараны Азнакай муниципаль районы башлыгы Шайдуллин М.З. ачып җибәрде, бәйрәм белән котлап,  Азнакай халкына изге теләкләрен җиткерде, шулай ук торак коммуналь җитәкчесе Гарайшин Р.М. катнашында  урамдагы һәрбер эштә актив катнашучыларга дипломнар һәм бүләкләр

тапшырды.Район һәм шәһәр мәдәният йорты хезмәткәрләре матур, дәртле җырларын бүләк итеп, халыкның куңелен күтәрде. Балалар өчен уеннар уздырылды.  Шушы урамда яшәүче халык ярдәмендә тәмле, таталы ризыклардан чәй өстәле әзерләнгән иде. Бәйрәм бик күңелле узды.

Posted in мероприятия | Comments Off on

4 август көнне “Татарстан” мәйданында “Беренче олау” озату бәйрәме узды. Кунакларны Сергеев И.В. җитәкчелегендәге тынлы оркестр каршы алды. “Азнакай гүзәлләре” триосы башкарган туган як, икмэк, игенчеләргә багышлаган җырлары белән бәйрәм тагын да бизәлде. Чараны Азнакай муниципаль районы башлыгы Шайдуллин Марсель Зөфәр улы ачып җибәрде, авыл хезмәтчәннәренә үзенең изге теләкләрен җиткерде, бүләкләрен тапшырды.


Авыл хуҗалыгы идарәсе җитәкчесе Усманов Миргасим Вәли улы районыбыз башлыгына быелгы уңыштан пешерелгән икмәк тапшырды. Байлыгыбызны Ютазы элеваторына тапшыручы хуҗалыкларга, шоферларга Азат хәзрәт хәер фатихаларын җиткерде, догаларын укыды.
Азнакай районы ветераннарына быелгы уңыштан пешерелгән икмәк таратылды.

Posted in мероприятия | Comments Off on

3 август көнне Октябрь-Бүләк авылында кече авыл бәйрәме узды. Бәйрәм авыл мәдәният йортында үтте. Кичәне нәфис суз, юмор остасы Илдар Гади алып барды. “Азнакай гүзәлләре” триосы – “Юлдаш” агитбригадысы артистлары бик матур концерт күрсәтте. Авыл халкы артистлар белән рәхәтләнеп күңел ачты, биеде, җырлады.

Posted in мероприятия | Comments Off on

«Нептун көне» – бу җәйге сәламәтләндерү кампания чарасы, бу бәйрәм балаларда һәм ата-аналарда уңай тәэсирләр, шатлык уята һәм сәламәтлекне ныгыта. Бәйрәм 25 июльдә Актүбә бистәсенең урман-паркы зонасы ачык бассейнында узды. Бу чарада балалар бакчасы, шулай ук бистәдә яшәүчеләр катанашты. Барлык катнашучыларны Актүбә бистәсе башкарма комитеты җитәкчесе Мөхәммәтҗанов Илһам Ильсияр улы бәйрәм белән котлады. Бәйрәмнең баш гамәлдәге заты Диңгез һәм океаннар патшасы – Нептун һәм аның ярдәмчеләре иде. Пиратларның чыгышы көчле алкышлар белән каршы алынды. Әкият геройлары, Диңгез йолдызы, Су анасы, Пиратлар һәм Алтын балык, балалар белән хәрәкәтле уеннар уздырдылар. Нептун бәйрәм белән бик канәгать булды, балалар һәм халык аның белән уйнадылар. «Нептун көне» бик күңелле узды.

Posted in мероприятия | Comments Off on